Piginnaasat
Masantimi sulisuupput ingeniørit, arkitektit, konstruktørit, maskinmester-it, teknikerit allaffimmiullu, taakkulu saniatigut ilinniartunik praktikkertoqartarluni.
Masanti amerlasuunik sammisaqarpoq
Masanti A/S –p piginnaasaqarfigai nutaanik sanaartornerit, iluarsartuussinerit, sanaartukkanillu assigiinngitsunik aserfallatsaaliuinerit. Masanti A/S-p aamma immikkut ilisimasaqarfigai tankeqarfiit ikuallajasunik imallit, erngup aqqusiornerit, kissartumut aqqusiornerit, kuuffiliornerit, iluarsartuussinerit, sanaartorfigiuminarsaanerit aammalu dronet atorlugit misissuinerit nunallu assinginik ilusilersuinerit.
Masanti A/S-p aamma illunik nalilersuinerit neqeroorutigisarpai.
Masanti A/S-p IT sutigut tamatigut atugaraa, annertuumillu 3D-nik atuineq Revit-mi aammalu AutoCad Civil-mi ilisimasaqarfigilluarlugit.
3D atorlugu takussutissiineq
Illuliani suliaqarnermi 3D-cad-programmeq Autodesk Revit atorneqartarpoq.
Taassumap programmip atornerani sanaartukkap katiternera paasiuminarnerulersarpoq, 3D-mik sanasoqarsinnaalersarmat sanaartukkap ilusaa, sananeqaataa aammalu ikkussugassat ataatsimoorlugit takuneqarsinnaalersarmata. Taassuma kingunerisarpaa sanaartornerup ajunnginnerusumik ingerlanneqarnera aammalu naammassinera.
Nunat assinginik ilusilersuinermi AutoCad Civil 3D atorneqartarpoq. AutoCad Civil 3D ilusilersuinermi aammalu sanaartoriaatsinik suliaqarnermi atussallugu piukkunnartuuvoq. AutoCad Civil 3D atornerani ilusilersukkat sanaartukkallu assigiinngitsut misissorneqarsinnaapput pisinnaassusaallu nalilersorneqarlutillu, taamaasilluni suliap naammassinissaanut suliaq ajunnginnerpaamik inernilerneqarsinnaalluni.
Suliagut tamarmik suliarineqarneranni misissoqqissaarneqaqqittarput.
