Piginneqatigiilluni inissiat.

Najoqqutassiatut piginneqatigiilluni inissiat pukkitsunik ataatsimoortillugit sananeqartartarput,  Masanti A/S ataavartumik sulissuteqarpoq ineriartortitsillunilu piginneqatigiilluni inissiat quleriiaat marluk pingasukkaartut aammalu affarleriiaanngorlugit inissianik.

Siunnersuusiatsinni makkua aallaavigalugit toqqammavigisarpagut:

• Inissianik  inissiinermi, illup toqqaviisa sapinngisamik appasinnerpaamiittarnissaat.

• Illup isaariaata ini alleq nunaminertamiit toqqaannartumik atassuteqarnissaa, taamaalilluni  ilaqutariit meerartallit, piginnaanikitsut imaluunniit kørestol-inik atuisut ajornannginnerusumik isersinnaaniassammata.

• Sapinngisamik inissiat ataasiakkaat avatangiisinut isikkivigitsuunissaat.

• Inissiat ilaqutariit meerartalinnut imaluunniit ilaqutariikkaanut tulluarsarluarnissat.

• Init aaqqissuunneranni sapinngisamik atorluaanikkut init atorfissaminnut agguataarluarnissaat, taamaasilluni init pisariaqanngitsunut asuliinnaq atussanngimmata.

• Init annertussuseqarluarnissaat naleqquttumillu qaamanermik peqarluarnissaat, taamaasilluni silaannarilluarluni  atoruminartuuniassammat.

• Sanaartornermi atortorineqartut akuerisaasut qajannaatsullu atorneqarnissaat, taamaasilluni ingerlatsinermut aserfallatsaalinermullu aningaasartuutissat annikinnerpaajuniassammata. 

Talerpiup tungaani takusinnaavatit piginneqatigiilluni inissiatut siunnersuutit assigiinngitsut pingasut, allanilli aamma sananikuuvugut. Siunnersuutit isumassarsiatut suliaapput, suliareqqitassaallutillu piginneqatigiilluni inissialiorniat peqatigiiffiat suleqatigalugu. Siunnersuutit allat piginneqatigiilluni illuliorniat kissaatigisaat toqqammavingalugit suliarisinnaavagut.