|
Suliffeqarfik Masanti A/S kalaallit
nunaanni ingeniør-itut illussanillu titartaasartutut siunnersuisartuuvoq,
1986-imi Maniitsumi aallartittoq, massakkullu siunnersuisartut
annersaasa ilagalugu. Ullumikkut Nuummi, Maniitsumi (qullersaqarfik), Ilulissanilu allaffeqarluta, nunarpullu tamakkerlugu siunnersuinikkut ikiuisarluta sanaartungassanik pilersaarusiornermi sanaartukkanillu nakkutilliinermi. Maniitsumi sullissinitsinnut ilaavoq Elektronik aamma IT-mut atortunik tuniniaanerit iluarsaassinerillu. Illussat sanaartugassat VVS-it innaallagissamullullu tunngassuteqartut suliarisarpagut. Suliassat suliarinissaannut siunnersuisartut allat aamma suleqatigisarpagut. Suliarisartakkagut misilittagagullu annertullutillu siammasipput makkuullutillu, nutaanik sanaartorneq, allanngortiterineq, sanaartukkanillu alliliineq. Iluarsaaqqinnerit aserfallattaanerillu makkunani; Atuarfiit, atorfeqarfiit, suliffeqarfiit inissiallu, imermik, kiassarnermik, anartafeqarfinnik eqqaaveqarfinnillu pilersuinerit, tankeqarfinnik nunagissaanermilu suliassat. Suliarisartagatta ilagaat illunik nalilersuinerit aammalu illup naligata nalilersorneqarnera iluarsagassartai ilanngullugit. Suliffeqarfitta qarasaasiat atorlungit suliarinnittarpoq suliassiissutillu tamarluinnaasa kukkunersiorneqartarlutik suliffeqarfiup kukkunersiuinermut naleqqutassia malillugu. Suliffitsinni sulisorisagut makkuupput, illussanik titartaasartut, ingeniørit, maskinmesterit, sanaartukkanik ilusilersuisartut, sanaartornermi teknikerit, elektronik-mut iluarsaassisartut allaffimmi sulisut, saniatigullu atuarnerminnut atatillugu suliffimmi misiliisunik sulisoqartarluta. |
Kingullermik nutarterneqarpoq 05.11.2008
|
|||||||||||||
